Sayings Of Hazrat Ali a.s

• Sayings of Imam Ali Ibn Abi Talib (A.S.)

The following sayings of Imam Ali (A.S) are taken from Du'a-e Kumail, trans. N. Hussein Mardi, Chehel Sotoon Theological School: Iran, 1989.

• The most complete gift of God is a life based on knowledge. 
• The innumerable fools have made the learned very scarce. 
• The learned man understands the ignorant for he was once ignorant for he was once ignorant himself. 
• The ignorant man does not understand the learned for he has never been learned himself. 
• Knowledge gives life to the soul. 
• To respect the learned is to respect God. 
• Knowledge creates fear of God. 
• Practice makes knowledge perfect. 
• To teach is to learn. 
• 
  
• Honesty is Divine language. 
• To fulfill promises is the highest form of integrity. 
• Truth means conformity of speech with the Divine mode of working. 
• 
  
• Friendship is impossible with a liar. 
• Misrepresentation spoils narration. 
• Lying spoils news. 
• Enemity is the occupation of fools. 
• One's obedience to God is proportionate to one's wisdom. 
• To fight against one's own desires is highest wisdom. 
• The wise aim at perfection. 
• The foolish aim at wealth. 
• To separate oneself from things of time and to connect oneself with things of eternity is highest wisdom. 
• He is really wise whose actions reflect his words. 

• Humility is the product of knowledge. 
• Self-conceit poisons the mind. 
• Self-conceit impedes progress. 
• Pride mars greatness. 
• Humility is one of the nets spread by real greatness. 
• Boasting issues from small minds. 

Imam Ali a.s Saying in urdu 

Hazrat Ali AS ne farmaya: Tamam Hamd Uss Allah k liay hai jiss ki aik siffat se doosri siffat afzal nahi k Woh aakhir honay se pahlay awwal aur zaahir honay se pahlay baatin raha ho. Allah k ilaawa jissay bhi aik kaha jaaey ga, wo qillat aur kami men hoga. Iss k siwa har baa-izzat zaleel, har taaqatwar kamzore, har maalik ghulaam aur har jaan’nay waala seekhnay ki manzil men hai (Khutba 63 Nehjul Balagha)

Hazrat Ali AS ne farmaya: Uss (Allah) k ilaawa har qudrat o ikhtiyaar rakhnay waala kabhi qaadir hota hai aur kabhi aajiz aur Uss (Allah) k ilaawa har sun’nay waala khafeef aawaazon ko sun’nay se qaasir hota hai aur bari aawaazain apni goonj se ussay bahraa kar daiti hen aur door ki aawaazain uss tak puhanchti nahi hen aur Uss (Allah) k siwa har daikhnay waala chupay huay rangon aur lateef jimson ko daikhnay se naa beena hota hai. (Khutba 63 Nehjul Balagha) 

Hazrat Ali AS ne farmaya: Koi Zaahir Uss (Allah) k siwa baatin nahi ho sakta aur koi baatin Uss k siwa zaahir nahi ho sakta.Uss ne apni kissi makhlooq ko iss liay paida nahi kya k Who apni hakoomat ki bunyaadon ko mazboot karay ya zamaanay k halaat aur nataaij se Ussay koi khatra tha ya kasrat par utar aanay waalay shareek ya bulandi men takraanay waalay mad e muqaabil k khilaaf Ussay koi madad haasil karna thi balkay ye saari makhlooq Uss k qabzay men hai aur sab Uss k aajiz o kamzor banday hen (Khutba 63 Nehjul Balagha)

Hazrat Ali AS ne farmaya: Siffeen men apnay ashaab se farmaya: Aey musalmaano Khof e Khuda apnaao. Itmenaan o waqaar ki chaadar orh lo aur apnay daanton ko bheench lo, iss se talwaarain saron se uchat jaaya karti hen. (Khutba 64 Nehjul Balagha)

Siffeen men Hazrat Ali AS ne apnay ashaab se farmaya: Ziraah mukammal karo aur talwaaron ko khainchnay se pahlay niyaam men achi tarah hila jula lo aur dushman ko tirchi nazron se daikhtay raho aur daaen baaen naizon k waar karo aur dushman ko talwaaron ki baar par rakh lo aur talwaaron k saath saath qadamon ko aagay barhaao aur yaqeen rakho k tum Allah k saamnay aur Rasul k chacha zaad bhai k saath kharay ho (Khutba 64 Nehjul Balagha) 

Siffeen men Hazrat Ali AS ne apnay ashaab se farmaya: Baar baar hamla karo aur bhaagnay se sharam karo iss liay k ye naslon tak k liay sharmindagi aur roz e mahshar jahannum ki aag ka baaes hai. (Khutba 64 Nehjul Balagha) 

Siffeen men Hazrat Ali AS ne apnay ashaab se farmaya: Khushi se apni jaanain Allah ko de do aur itmenaan se moat ki jaanib chalo aur (shaamiyon ki) iss bari jamaat aur tanaabon se khinchay huay khaimay ko paish e nazar rakho. Iss k darmayaan hamla karo kyun k shaitaan ussi k aik goshay men chupaa baitha hai. Jiss ne aik taraf to hamlay k liay haath barhaya hua hai aur doosri taraf bhaagnay k liay qadam peechay hata rakha hai. (Khutba 64 Nehjul Balagha) 

Siffeen men Hazrat Ali AS ne apnay ashaab se farmaya: Tum mazbooti se apnay iraaday par jamay raho yahan tak k haq ujaalay ki tarah zaahir ho jaaey. Tum hi ghaalib ho aur Khuda tumharay saath hai. Wo tumharay aamaal ko zaayaa aur barbaad nahi honay daiga (Khutba 64 Nehjul Balagha)

Hazrat Ali AS ne apnay buzdil shiyon se farmaya: Kab tak Mein tumharay saath aisi narmi aur ria’aayat karta rahoon ga jaisi aisay oonton se ki jaati hai jinn ki kohaanain andar se khokli ho chuki hon aur unn phatay puraanay kapron se k jinhain aik taraf se siya jaaey to doosri taraf se phat jaatay hen. Jab bhi shaamiyon k daston men sey koi dasta tum par mandlaata hai to tum sab k sab apnay gharon k darwaazay band kar laitay ho aur iss tarah andar dubak jaatay ho jiss tarah go apnay sooraakh men aur bichoo apnay bhat men. Jiss k tumhaaray jaisay madad gaar hon Uss ne to zaleel hi hona hai (Khutba 67 Nehjul Balagha)

Hazrat Ali AS ne apnay buzdil shiyon se farmaya: Khuda ki qasam gharon k sahan men to tum bari taadaad men nazar aatay ho lekin jhandon k neechay thoray se. Mein achi tarah se jaanta hoon k kiss cheez se tumhari islaah aur kiss cheez se tumhaari be gaanagi ko door kya jaa sakta hai lekin Mein apnay nafs ko bigaar’ kar tumhari islaah karna nahi chaahta. Khuda tumharay chahron ko be aabroo karay aur tumhain bad naseeb karay. Jaisi tum baatil se shanasaai rakhtay ho waisi haq se tumhaari jaan pahchaan nahi aur jitna haq ko mitaatay ho baatil utna tum se nahi dabaya jaata (Khutba 67 Nehjul Balagha)

Hazrat Ali AS ne farmaya: Aey Allah! Aey farsh e zameen k bichaanay waalay aur buland aasmaanon ko baghair sahaaray k roknay waalay, dilon ko achi aur buri fitrat par paida karnay waalay Apni paakeeza rahmatain aur barkatain qaraar day apnay banday aur Rasool Muhammad S.A.W.W k liay jo pahli nabuwwaton ko khatam karnay waalay aur band dilon k kholnay waalay aur haq k zore se aelaan e haq karnay waalay, baatil ki tughyaaniyon ko dabaanay waalay aur zalaalat k hamlon ko kuchalnay waalay thay (Khutba 70 Nehjul Balagha) 

Hazrat Ali AS ne farmaya: Jaisa Rasool S.A.W.W par zimadaariyon ka bojh aaed kya gaya tha, uss ko unhon ne uthaaya aur Allah ki khusnoodiyon ki taraf barhnay k liay mazbooti se jam kar kharay ho gaey. Na aagay barhnay se moo’n mor’a, na iraaday men kamzori ko raah di. Wo Allah ki wahi aur paimaan k muhafiz thay aur Uss k hukmon ko phailaanay ki dhun men lagay rahnay waalay thay yahaan tak k Unhon ne roshni dhoondhnay waalay k liay sholay bharkaa diyay aur andhairay men bhataknay waalay k liay raasta roshan kar dia. Fitnon aur fasaadon men sargarmiyon k baad dilon ne Aap S.A.W.W ki waja se hidayat paai (Khutba 70 Nehjul Balagha)

Jab logon ne Usman ki bayat ka iraada kya to Hazrat Ali AS ne farmaya: Tum jaantay ho k Mujhay auron se ziada khilaafat ka huq puhanchta hai. Khuda ki qasam jab tak musalmaanon k amoor ka nazm o nasq barqaraar rahay ga aur Meri hi zaat zulm o joar ka nishaana banti rahay gi, Mein khaamoshi ikhtiyaar karta rahoon ga taakay iss sabar par Allah se ajr o sawaab talab karoo’n aur iss zaib o zeenat aur iss aaraaish ko thukraa doo’n jiss par tum mittay huay ho (Khutba 72 Nehjul Balagha) 

Hazrat Ali AS ne farmaya: Khuda iss shaks par raham karay k jiss ne hikmat ka koi kalma suna to issay giraah men baandh liya. Hidaayat ki taraf ussay bulaaya gya to dor kar qareeb hua. Saheeh Rahbar ka daaman thaam kar nijaat paai. Allah ko har waqt nazron men rakha aur gunaahon se khof khaaya, amal be riya paish kya. Naik kaam kiay, sawaab ka zakheera jama kya, buri baato’n se ijtinaab barta, saheeh maqsad ko paa liya, apna ajar samait liya, khuwaahishon ka muqaabla kya. Umeedon ko jhutlaaya, sabar ko nijaat ki sawaari bana liya, moat k liay taqwaa ka saaz o saamaan kya. Roshan raah par sawaar hua. Haq ki shaahraah par qadam jamaaey. Zindagi ki muhlat ko ghaneemat jaana, moat ki taraf qadam barhaaey aur amal ka saamaan saath lya. (Khutba 74 Nehjul Balagha)

Bani Ummaya par tabbarra kartay huay Hazrat Ali AS ne farmaya: Bani Ummaya Mujhay Muhammd S.A.W.W ka wirsaa thora thora kar k daitay hen. Khuda ki qasam agar Mein zinda raha to inhain iss tarah jhaar phainkoo’n ga jiss tarah Qasaai, khaak aalooda gosht k tukray se matti jhaar’ daita hai (Khutba 75 Nehjul Balagha) 

Hazrat Ali AS ne farmaya: Aey Allah Tu unn cheezon ko baksh day jinnhain Tu mujh se zyaada jaanta hai (yaani sab kuch baksh day). Agar Mein gunaah ki taraf paltoo’n to Tu apni maghfirat k saath palat. Baar e ILaaha Jiss amal e khair k bajaa laanay ka Mein ne Tujh se waada kya tha, magar Tu ne ussay poora hotay huay na paaya, ussay bhi baksh day. Meray Allah zabaan se niklay huay wo kalamay jinn se Tera qurb chaaha tha magar dil se aisa na chaah saka, unn ko bhi maaf karday. Parwardigaar Tu aankhon k (tanziyaa) ishaaron aur naa shaaista kalmon aur dil ki (buri) khuwaahishon aur zabaan ki khataaon ko maaf farma. (Khutba 76 Nehjul Balagha) 

Hazrat Ali AS ne aik najoomi se farmaya: Kya tumhara ye khayal hai k tum uss waqt ka pata daitay ho k agar koi iss men niklay to iss k liay koi buraai na hogi aur iss lamhay se khabardaar kartay ho k agar koi iss men niklay to ussay nuqsaan dar paish hoga. Jiss ne issay (ilm e najoom) ko saheeh samjha uss ne Quran ko jhutlaaya aur maqsad ko paanay aur museebat ko door karnay men Allah ki madad se be niaaz ho gaya. (Khutba 77 Nehjul Balagha)

Hazrat Ali AS ne farmaya: Aey logo (ILM-e) Najoom k seekhnay se parhaiz karo magar itna (seekh saktay ho) k jiss se khuski aur tari men raastay maaloom kar sako iss liay k (ILM-e) Najoom ka seekhna mustaqbil shanaasi aur ghaib goi ki taraf le jaata hai aur najoomi, hukam men kaahin jaisa hai aur kaahin jaadoogar jaisa aur jaadoogar kaafir jaisa hai aur kaafir ka thikaana jahannum hai. (Khutba 77 Nehjul Balagha)

Hazrat Ali AS ne farmaya: Mein iss daar e dunya ki haalaat kya bayaan karoo’n jiss ki ibtedaa gham aur intehaa fana ho. Jiss k halaal men hisaab aur haraam men azaab ho. Yahaan koi maal daar ho to fitnon se waasta aur faqeer ho to gham se saabqa rahta hai. Jo dunya k liay koshish men laga rahta hai uss ki dunyaawi aarzooen barhti hi jaati hen aur jo inn koshishon se haath utha laita hai, dunya khud hi uss se saazgaar ho jaati hai (Khutba 80 Nehjul Balagha) 

Saying of Imam Ali a.s From Nehjul Balagha

Extracts From Nehjul Balagha

Hazrat Ali AS ne farmaya: Dunya ne peeth phair kar apnay ruksat honay ka aelaan aur manzil e uqbaa ne saamnay aa kar apni aamad se aagaah kar dia hai. Aaj ka din tayyari ka aur kal dor’ ka hoga. Jis taraf aagay bar’hna hai wo to jannat hai. Aur jahan kuch loge puhanch jaaengay wo dozakh hai. Kya moat se pahlay apnay gunahon se tauba karnay wala koi nahi aur kya iss roz e museebat k aanay se pehlaynamal karnay waala aik bhi nahi. (Khutba 28 Nehjul Balagha)

Hazrat Ali AS ne farmaya: . Tum umeedon k doar men ho jiss k peechay moat ka hangaama hai. Jis tarah iss waqt jab naagawaar haalaat ka andaisha ho naik aamaal men munhamik hotay ho waisa hi uss waqt bhi naik aamaal karo jab k mustaqbil k aasaar mussarat afza mehsoos ho rahay hon (Khutba 28 Nehjul Balagha)

Hazrat Ali AS ne farmaya: Jo huq se faaeda nahi uthaata ussay baatil ka nuqsaan o zarar uthaana paraiga. Jis ko hidayat saabit qadam na rakhay ussay gumraahi halaakat ki taraf khainch lay jaaegi. Tumhaeen kooch ka hukm mil chukka hai aur safar k saamaan ka pata dia ja chukka hai . (Khutba 28 Nehjul Balagha)

Hazrat Ali AS ne faramaya: Mujhay tumharay muta’aliq sab se zyada do hi cheezon ka khatra hai. Aik khuwahishon ki pairvi aur doosra umeedon ka phailaao. Iss dunya men rehtay huay iss se itna saamaan le lo jiss se kal apnay nafson ko bacha sako (Khutba 28 Nehjul Balagha)

Hazrat Ali AS ne farmaya: Tumhari batain to sakht patharon ko bhi naram kar daiti hen aur tumhara amal aisa hai k jo dushmanon ko tum par daant taiz karnay ka moka daita hai. Apni mehfilon men to tum kehto ho k ye kar daingay aur wo kar daingay aur jab jang chir’h hi jaati hai to tum iss se panaah maangtay ho. Jo tum ko madad k liay pukaaray uss ki sada be wuq’at aur jiss ka tum jaisay logon se waasta para ho uss ka dil hamaisha be chain rehta hai (Khutba 29 Nehjul Balagha)

Hazrat Ali AS ne farmaya: Zaleel aadmi zillat aamaiz zyaadatiyon ki rok thaam nahi kar sakta aur haq to baghair koshish k nahi mila karta. Iss ghar k baad aur kon sa ghar hai jis ki hifazat karaogay(Khutba 29 Nehjul Balagha)

Hazrat Ali AS ne farmaya: Khuda ki qasam meri kaifiyat to ye hai k na mein tumhari kisi baat ki tasdeeq kar sakta hoon aur na tumhari nusrat ki mujhay koi aas baaqi rahi hai aur na tumhari waja se dushman ko jang ki dhamki de sakta hoon. Tumhain kya hogaya, tumhara marz kya hai aur iss ka ilaaj kya hai. Uss qoam k afraad bhi to tumhari shakl o soorat k mard hen. Kya baatain hi baatain rahain gi. Jaanay boojhay baghair aur sirf ghaflat o madhoshi hai (Khutba 29 Nehjul Balagha)

Hazrat Ali AS ne farmaya: Aey Logo hum ik aesay kaj raftaar zamanay aur nashukar guzaar dunya men paida huay hen k jis men naik o kaar ko khataa kaar samjha jaata hai aur zaalim apni sarkashi men barhta hi jaata hai. Jin cheezon ko hum jaantay hen unn se faaeda nahi uthaatay aur jin cheezon ko nahi jaantay unhain daryaaft nahi kartay aur jab tak museebat nahi aati hum khatra mehsoos nahi kartay. (Khutba 32 Nehjul Balagha)

Hazrat Ali AS ne farmaya: Kuch Loge Wo hen jo Aelaaniya shar phela rahay hen aur unhon ne apnay sawaar aur pyaaday jama kar rakhay hen. Sirf kuch maal batornay ya kisi dastay ki qayaadat kartay ya minbar par buland honay k liay unhon ne apnay nafson ko waqf kar dia hai aur deen ko tabaah o barbaad kar daala hai. Kitna hi bura hai k tum dunya ko apnay nafs ki qeemat aur Allah k haan k neamaton ka badal qaraar de lo aur kuch wo loge hen jo aakhirat waalay kaamon se dunya talbi kartay hen(Khutba 32 Nehjul Balagha)

Hazrat Ali AS ne farmaya: Kuch Logon ne qanaat k naam apnay aap ko aaraasta kar rakha hai aur zaahidon k libaas se apnay aap ko saja lia hai. Haalaankay unhain in cheezon se kisi waqt bhi koi lagaao nahi raha. Iss k baad thoray se wo loge reh gaey hen jin ki aankhain aakhirat ki yaad aur hasher k khof se jhuki hui hen aur unn se aansoo rawaan rehtay hen. Unn men se kuch to wo hen jo dunya waalon se alag thalag tanhaai men paray hen aur kuch khof o hiraas k aalam men zillatain sah rahay hen (Khutba 32 Nehjul Balagha)

Hazrat Ali AS ne apnay jootay ki taraf ishara krtay huay farmaya: Agar meray paish e nazar haq ka qayaam aur baatil ka mitaana na ho to tum logon par hakoomat karnay se ye joota mujhay kaheen zyaada azeez hai (Khutba 33 Nehjul Balagha)

Hazrat Ali AS ne farmaya: Tumharay Khilaaf sab tadbeerain hoti hen aur tum dushmanon k khilaaf koi tadbeer nahi kartay.Tumharay hadood kam hotay ja rahay hen magar tumhain ghussa nahi aata. Wo tumhari taraf se kabhi ghaafil nahi hotay aur tum ho k ghaflat men sab kuch bhoolay huay ho. Khuda ki qasam aik doosray par taalnay waalay haara hi kartay hen. Agar jang zor pakar lay aur moat ki garam baazaari ho to tum Ali Ibn e Abi Talib se iss tarah kat jaaogay jis tarah badan se sar (Khutba 34 Nehjul Balagha)

Hazrat Ali AS ne farmaya: Mera tum par ye haq hai k bayyat ki zimadaari poori karo aur saamnay aur pas e pusht khair khuwaahi karo (Khutba 34 Nehjul Balagha)

Hazrat Ali AS ne farmaya: Mehrbaan, baa jabar aur tajarba kaar naseehat karnay waalay ki mukhaalifat ka samar hasrat o nidaamat hota hai (Khutba 35 Nehjul Balagha)

Nehjul Balagha in urdu

Extracts From Nahjul Balagha in Urdu 

Hazrat Ali AS ne farmaya: Jis cheez ko tumharey marnay waalon ne daikha hai agar tum bhi inhen daikh laitay to ghabra jaatay aur pareshaan aur muztarib ho jaatay aur (haq ki baat) suntay aur is par amal kartay. Lekin jo unhon ne daikha hai wo abhi tum se posheeda hai aur qareeb hai k wo parda utha diya jaaey. Agar tum daikhnay waali aankh aur sun’nay waalay kaan rakhtay ho to tumhen sunaya aur dikhaya jaa chukka hai aur hidayat ki talab hai to to tmhen hidayat ki jaa chuki hai. Men sach kehta hun k ibraten tumhen buland aawaaz se pukaar chuki hen aur dhamkaany waali cheezon se tumhen dhamkaya ja chukka hai (Khutba No 20 Nehjul Balagha)


Hazrat Ali AS ne farmaya: Tumhari manzil e maqsood tumharay saamnay hai. Moat ki saa’at tumharay peechay hai jo tumhen aagay ki taraf le chal rahi hai. Halkay phulkay raho taakay aagay barhnay waalon ko paa sako. Tumharey aglon ko pichlon ka intezaar karaya jaa raha hai.(Khutba 21 Nehjul Balagha)


Hazrat Ali AS ne apnay dushmanon par tabbara krtay huay farmaya: Agar in logon ne ataa’t se inkaar kya to Mein talwaar ki baar in k saamnay rakh doon ga. Jo baatil se shifa denay aur haq ki nusrat k liay kaafi hai. Hairat hai k wo Mujhay ye paighaam bhijwaatay hen k men naiza zani k liay maidaan men utar aaoon aur talwaaron ki jang k liay datey rehnay par tayyar rahoon. Ronay waaliyaan in k gham men roen Mein to hamesha aisa raha hoon k jang se mujhay dhamkaya nahi jaa saka aur shamsheer zani se khofzada nahi kya jaa saka aur Mein apnay Parwardigaar ki taraf se yaqeen k darjay par faaiz hoon aur apnay deen ki hifazat men Mujhay koi shak nahi hai. (Khutba 22 Nehjul Balagha)

Hazrat Ali AS ne farmaya: Jab tak koi mard musalmaan kisi aisi zaleel harkat ka murtakib nahi hota k jo zaahir ho jaaey to is k tazkiray se ussay aankhen neechi karna parain aur jis se zaleel aadmiyon ki jurrat barhay wo is kaamyaab jawaari ki maanind hai jo juay k teeron ka paansa phenk kar pehlay marhaley par hi aisi jeet ki tawako rakhta hai jis se issay faaida haasil ho aur pehlay nuqsaan ho bhi chukka hai to door ho jaey (Khutba 23 Nehjul Balagha)

Hazrat Ali AS ne farmaya: Beshak maal o aulaad dunya ki khaiti aur amal e saaleh aakhirat ki kisht e zaar hai aur baaz logon k liay Allah in donon ko yakja kar daita hai. Jitna Allah ne daraaya hai itna US se dartay raho aur itna US se khof khao k tumhen bahaana na karna parey. Amal baghair dikhaway k karo is liay k jo shaks kisi aur k liay amal karta hai Allah uss ko ussi k hawaalay kar daita hai. Hum Allah se shaheedon ki manzilat, naik logon k saath aur Anbiyaa ki rafaaqat ka sawaal kartay hen.(Khutba 23 Nehjul Balagha)


Ghareeb logon ki madad karnay waalay k baarey men Hazrat Ali AS ne farmaya: Allah jis shaks ka sacha zikr e khair logon men barqaraar rakhta hai to ye us maal se kaheen behtar hai jis ka wo doosron (yani apni aulaad o ko waaris bana kar jaaey (Khutba 23 Nehjul Balagha)


Hazrat Ali AS ne farmaya: Jo shaks apnay qabeelay ki madad se haath rok laita hai to is ka to (sirf) aik haath rukta hai lekin waqt parnay par buhat se haath us ki madad se ruk jaatay hen. (Khutba 23 Nehjul Balagha)

Hazrat Ali AS ne farmaya: Mujhay apni zindagi ki qasam, Mein haq k khilaaf chalnay waalon aur gumraahi men bhataknay waalon se jang men kisi qisam ki choot,riaa’yat aur susti nahi karoon ga. Allah k bando Allah se daro aur US k ghazab se bhaag kar US k daaman e rehmat men panaah lo. Allah ki dikhae hui raah par chalo aur US k aaed karda ahkaam ko baja laao.(Khutba 24 Nehjul Balagha)

Baatil k chaa jaanay aur haq k kamzore parnay ki wajah bataty huay Hazrat Ali AS ne farmaya: Allah ki qasam Mein to ab un logon k baarey men ye khayaal karnay laga hoon k wo jald hi saltanat o dolat ko tum se hathiyaa lain gay. Is liay k wo (markaz e) baatil par mutahid o yakja hen aur tum apnay (markaz e) huq se juda aur muntashir ho. Tum amr e haq men apnay imam k nafarmaan aur wo baatil men bhi apnay imam k mutee o farmaa’n bardaar hen. Wo apnay saathi k saath amanat daari k farz ko poora kartay hen aur tum khayanat karnay se nahi chooktay(Khutba 25 Nehjul Balagha)

Khutbaat From Nehjul Balagha

Hazrat Ali AS ne farmaya: Ahlebait sir’r e Khuda (raaz e Khuda) k ameen aur Is k deen ki panah gaah hen. Ilm e ILAHI k makhzan aur hikmaton k marjay hen. Kutab (aasmaani) ki ghaatiyaan aur deen k pahaar hen. Inhi k zariyay Allah ne is (deen) ki pusht ka kham seedha kya aur is k pehluon se kamzori ki kapkapi door ki (Khutba No 2 Nehjul Balagha)


Hazrat Ali AS ne farmaya: is ummat men se kisi ko Aal e Muhammad S.A.W.W par qayaas nahi kya ja sakta. Jin logon par Un k ahsaanaat hamesha jaari rahay hon wo in k barabar nahi ho saktay. Wo deen ki bunyaad aur yaqeen k satoon hen. Aagay barh jaanay waalay ko in ki taraf palat kar aana hai aur peechay reh jaanay waalay ko in se aa kar milna hai. Haq e wilaayat ki khasoosiyaat inhi k liay hen aur inhi k baarey men Paighamber ki wasiyat aur inhi k liay wirasat hai(Khutba No 2 Nehjul Balagha)

Hazrat Ali AS ne farmaya: Khuda ki qasam Abu Talib ka baita moat se itna maanoos hai k bacha apni maan ki chaati se itna maanoos nahi hota. Albata aik ilm posheeda meray seenay ki tahon men lipta hua hai k isay zaahir kar doon to tum isi tarah paich o taab khaanay lago gay jis tarah gehray kunwen men rasiyaan larazti aur thartharaati hen (Khutba No 5 Nehjul Balagha)
Hazrat Ali AS ne farmaya: Khuda ki qasam jab se Allah ne apnay Rasool S.A.W.W ko dunya se uthaya, us waqt se doosron ko mujh se muqaddam rakha gaya aur mujhay meray haq se mehroom rakha gaya (Khutba No 6 Nehjul Balagha)

Mukhalifeen par tabbara krtay huay Hzrt Ali AS ne farmaya: inhon ne har kaam ka karta dharta shaitaan ko bana rakha hai aur is ne in ko apna aalaa e kaar bana lia hai. Is (Shaitaan) ne in k seenon men anday diay hen aur bachay nikaaley hen aur inhi ki gode men wo bachay reengtay aur uchaltay koodtay hen. Wo dekhta hai to in ki aankhon se aur bolta hai to in ki zabanon se. is (Shaitaan) ne inhen khataaon ki raah par lagaya hai aur buri baaten saja kar un k saamnay rakhi hen (Khutba No 7 Nehjul Balagha)
Jang k baad Apnay mukhalifeen k baarey men Hazrat Ali AS ne farmaya: Wo raad ki tarah garjay aur bijli ki tarah chamkay magar in donon baton k baawajud buzdili hi dikhae aur Ham jab tak dushman par toot nahi partay garajtay nahi aur jab tak (amli tor par) baras nahi laitay (lafzon ka) sailaab nahi bahaatay (Khutba No 9 Nehjul Balagha)