Sayings Of Hazrat Ali a.s

• Sayings of Imam Ali Ibn Abi Talib (A.S.)

The following sayings of Imam Ali (A.S) are taken from Du'a-e Kumail, trans. N. Hussein Mardi, Chehel Sotoon Theological School: Iran, 1989.

• The most complete gift of God is a life based on knowledge. 
• The innumerable fools have made the learned very scarce. 
• The learned man understands the ignorant for he was once ignorant for he was once ignorant himself. 
• The ignorant man does not understand the learned for he has never been learned himself. 
• Knowledge gives life to the soul. 
• To respect the learned is to respect God. 
• Knowledge creates fear of God. 
• Practice makes knowledge perfect. 
• To teach is to learn. 
• 
  
• Honesty is Divine language. 
• To fulfill promises is the highest form of integrity. 
• Truth means conformity of speech with the Divine mode of working. 
• 
  
• Friendship is impossible with a liar. 
• Misrepresentation spoils narration. 
• Lying spoils news. 
• Enemity is the occupation of fools. 
• One's obedience to God is proportionate to one's wisdom. 
• To fight against one's own desires is highest wisdom. 
• The wise aim at perfection. 
• The foolish aim at wealth. 
• To separate oneself from things of time and to connect oneself with things of eternity is highest wisdom. 
• He is really wise whose actions reflect his words. 

• Humility is the product of knowledge. 
• Self-conceit poisons the mind. 
• Self-conceit impedes progress. 
• Pride mars greatness. 
• Humility is one of the nets spread by real greatness. 
• Boasting issues from small minds. 

Imam Ali a.s Saying in urdu 

Hazrat Ali AS ne farmaya: Tamam Hamd Uss Allah k liay hai jiss ki aik siffat se doosri siffat afzal nahi k Woh aakhir honay se pahlay awwal aur zaahir honay se pahlay baatin raha ho. Allah k ilaawa jissay bhi aik kaha jaaey ga, wo qillat aur kami men hoga. Iss k siwa har baa-izzat zaleel, har taaqatwar kamzore, har maalik ghulaam aur har jaan’nay waala seekhnay ki manzil men hai (Khutba 63 Nehjul Balagha)

Hazrat Ali AS ne farmaya: Uss (Allah) k ilaawa har qudrat o ikhtiyaar rakhnay waala kabhi qaadir hota hai aur kabhi aajiz aur Uss (Allah) k ilaawa har sun’nay waala khafeef aawaazon ko sun’nay se qaasir hota hai aur bari aawaazain apni goonj se ussay bahraa kar daiti hen aur door ki aawaazain uss tak puhanchti nahi hen aur Uss (Allah) k siwa har daikhnay waala chupay huay rangon aur lateef jimson ko daikhnay se naa beena hota hai. (Khutba 63 Nehjul Balagha) 

Hazrat Ali AS ne farmaya: Koi Zaahir Uss (Allah) k siwa baatin nahi ho sakta aur koi baatin Uss k siwa zaahir nahi ho sakta.Uss ne apni kissi makhlooq ko iss liay paida nahi kya k Who apni hakoomat ki bunyaadon ko mazboot karay ya zamaanay k halaat aur nataaij se Ussay koi khatra tha ya kasrat par utar aanay waalay shareek ya bulandi men takraanay waalay mad e muqaabil k khilaaf Ussay koi madad haasil karna thi balkay ye saari makhlooq Uss k qabzay men hai aur sab Uss k aajiz o kamzor banday hen (Khutba 63 Nehjul Balagha)

Hazrat Ali AS ne farmaya: Siffeen men apnay ashaab se farmaya: Aey musalmaano Khof e Khuda apnaao. Itmenaan o waqaar ki chaadar orh lo aur apnay daanton ko bheench lo, iss se talwaarain saron se uchat jaaya karti hen. (Khutba 64 Nehjul Balagha)

Siffeen men Hazrat Ali AS ne apnay ashaab se farmaya: Ziraah mukammal karo aur talwaaron ko khainchnay se pahlay niyaam men achi tarah hila jula lo aur dushman ko tirchi nazron se daikhtay raho aur daaen baaen naizon k waar karo aur dushman ko talwaaron ki baar par rakh lo aur talwaaron k saath saath qadamon ko aagay barhaao aur yaqeen rakho k tum Allah k saamnay aur Rasul k chacha zaad bhai k saath kharay ho (Khutba 64 Nehjul Balagha) 

Siffeen men Hazrat Ali AS ne apnay ashaab se farmaya: Baar baar hamla karo aur bhaagnay se sharam karo iss liay k ye naslon tak k liay sharmindagi aur roz e mahshar jahannum ki aag ka baaes hai. (Khutba 64 Nehjul Balagha) 

Siffeen men Hazrat Ali AS ne apnay ashaab se farmaya: Khushi se apni jaanain Allah ko de do aur itmenaan se moat ki jaanib chalo aur (shaamiyon ki) iss bari jamaat aur tanaabon se khinchay huay khaimay ko paish e nazar rakho. Iss k darmayaan hamla karo kyun k shaitaan ussi k aik goshay men chupaa baitha hai. Jiss ne aik taraf to hamlay k liay haath barhaya hua hai aur doosri taraf bhaagnay k liay qadam peechay hata rakha hai. (Khutba 64 Nehjul Balagha) 

Siffeen men Hazrat Ali AS ne apnay ashaab se farmaya: Tum mazbooti se apnay iraaday par jamay raho yahan tak k haq ujaalay ki tarah zaahir ho jaaey. Tum hi ghaalib ho aur Khuda tumharay saath hai. Wo tumharay aamaal ko zaayaa aur barbaad nahi honay daiga (Khutba 64 Nehjul Balagha)

Hazrat Ali AS ne apnay buzdil shiyon se farmaya: Kab tak Mein tumharay saath aisi narmi aur ria’aayat karta rahoon ga jaisi aisay oonton se ki jaati hai jinn ki kohaanain andar se khokli ho chuki hon aur unn phatay puraanay kapron se k jinhain aik taraf se siya jaaey to doosri taraf se phat jaatay hen. Jab bhi shaamiyon k daston men sey koi dasta tum par mandlaata hai to tum sab k sab apnay gharon k darwaazay band kar laitay ho aur iss tarah andar dubak jaatay ho jiss tarah go apnay sooraakh men aur bichoo apnay bhat men. Jiss k tumhaaray jaisay madad gaar hon Uss ne to zaleel hi hona hai (Khutba 67 Nehjul Balagha)

Hazrat Ali AS ne apnay buzdil shiyon se farmaya: Khuda ki qasam gharon k sahan men to tum bari taadaad men nazar aatay ho lekin jhandon k neechay thoray se. Mein achi tarah se jaanta hoon k kiss cheez se tumhari islaah aur kiss cheez se tumhaari be gaanagi ko door kya jaa sakta hai lekin Mein apnay nafs ko bigaar’ kar tumhari islaah karna nahi chaahta. Khuda tumharay chahron ko be aabroo karay aur tumhain bad naseeb karay. Jaisi tum baatil se shanasaai rakhtay ho waisi haq se tumhaari jaan pahchaan nahi aur jitna haq ko mitaatay ho baatil utna tum se nahi dabaya jaata (Khutba 67 Nehjul Balagha)

Hazrat Ali AS ne farmaya: Aey Allah! Aey farsh e zameen k bichaanay waalay aur buland aasmaanon ko baghair sahaaray k roknay waalay, dilon ko achi aur buri fitrat par paida karnay waalay Apni paakeeza rahmatain aur barkatain qaraar day apnay banday aur Rasool Muhammad S.A.W.W k liay jo pahli nabuwwaton ko khatam karnay waalay aur band dilon k kholnay waalay aur haq k zore se aelaan e haq karnay waalay, baatil ki tughyaaniyon ko dabaanay waalay aur zalaalat k hamlon ko kuchalnay waalay thay (Khutba 70 Nehjul Balagha) 

Hazrat Ali AS ne farmaya: Jaisa Rasool S.A.W.W par zimadaariyon ka bojh aaed kya gaya tha, uss ko unhon ne uthaaya aur Allah ki khusnoodiyon ki taraf barhnay k liay mazbooti se jam kar kharay ho gaey. Na aagay barhnay se moo’n mor’a, na iraaday men kamzori ko raah di. Wo Allah ki wahi aur paimaan k muhafiz thay aur Uss k hukmon ko phailaanay ki dhun men lagay rahnay waalay thay yahaan tak k Unhon ne roshni dhoondhnay waalay k liay sholay bharkaa diyay aur andhairay men bhataknay waalay k liay raasta roshan kar dia. Fitnon aur fasaadon men sargarmiyon k baad dilon ne Aap S.A.W.W ki waja se hidayat paai (Khutba 70 Nehjul Balagha)

Jab logon ne Usman ki bayat ka iraada kya to Hazrat Ali AS ne farmaya: Tum jaantay ho k Mujhay auron se ziada khilaafat ka huq puhanchta hai. Khuda ki qasam jab tak musalmaanon k amoor ka nazm o nasq barqaraar rahay ga aur Meri hi zaat zulm o joar ka nishaana banti rahay gi, Mein khaamoshi ikhtiyaar karta rahoon ga taakay iss sabar par Allah se ajr o sawaab talab karoo’n aur iss zaib o zeenat aur iss aaraaish ko thukraa doo’n jiss par tum mittay huay ho (Khutba 72 Nehjul Balagha) 

Hazrat Ali AS ne farmaya: Khuda iss shaks par raham karay k jiss ne hikmat ka koi kalma suna to issay giraah men baandh liya. Hidaayat ki taraf ussay bulaaya gya to dor kar qareeb hua. Saheeh Rahbar ka daaman thaam kar nijaat paai. Allah ko har waqt nazron men rakha aur gunaahon se khof khaaya, amal be riya paish kya. Naik kaam kiay, sawaab ka zakheera jama kya, buri baato’n se ijtinaab barta, saheeh maqsad ko paa liya, apna ajar samait liya, khuwaahishon ka muqaabla kya. Umeedon ko jhutlaaya, sabar ko nijaat ki sawaari bana liya, moat k liay taqwaa ka saaz o saamaan kya. Roshan raah par sawaar hua. Haq ki shaahraah par qadam jamaaey. Zindagi ki muhlat ko ghaneemat jaana, moat ki taraf qadam barhaaey aur amal ka saamaan saath lya. (Khutba 74 Nehjul Balagha)

Bani Ummaya par tabbarra kartay huay Hazrat Ali AS ne farmaya: Bani Ummaya Mujhay Muhammd S.A.W.W ka wirsaa thora thora kar k daitay hen. Khuda ki qasam agar Mein zinda raha to inhain iss tarah jhaar phainkoo’n ga jiss tarah Qasaai, khaak aalooda gosht k tukray se matti jhaar’ daita hai (Khutba 75 Nehjul Balagha) 

Hazrat Ali AS ne farmaya: Aey Allah Tu unn cheezon ko baksh day jinnhain Tu mujh se zyaada jaanta hai (yaani sab kuch baksh day). Agar Mein gunaah ki taraf paltoo’n to Tu apni maghfirat k saath palat. Baar e ILaaha Jiss amal e khair k bajaa laanay ka Mein ne Tujh se waada kya tha, magar Tu ne ussay poora hotay huay na paaya, ussay bhi baksh day. Meray Allah zabaan se niklay huay wo kalamay jinn se Tera qurb chaaha tha magar dil se aisa na chaah saka, unn ko bhi maaf karday. Parwardigaar Tu aankhon k (tanziyaa) ishaaron aur naa shaaista kalmon aur dil ki (buri) khuwaahishon aur zabaan ki khataaon ko maaf farma. (Khutba 76 Nehjul Balagha) 

Hazrat Ali AS ne aik najoomi se farmaya: Kya tumhara ye khayal hai k tum uss waqt ka pata daitay ho k agar koi iss men niklay to iss k liay koi buraai na hogi aur iss lamhay se khabardaar kartay ho k agar koi iss men niklay to ussay nuqsaan dar paish hoga. Jiss ne issay (ilm e najoom) ko saheeh samjha uss ne Quran ko jhutlaaya aur maqsad ko paanay aur museebat ko door karnay men Allah ki madad se be niaaz ho gaya. (Khutba 77 Nehjul Balagha)

Hazrat Ali AS ne farmaya: Aey logo (ILM-e) Najoom k seekhnay se parhaiz karo magar itna (seekh saktay ho) k jiss se khuski aur tari men raastay maaloom kar sako iss liay k (ILM-e) Najoom ka seekhna mustaqbil shanaasi aur ghaib goi ki taraf le jaata hai aur najoomi, hukam men kaahin jaisa hai aur kaahin jaadoogar jaisa aur jaadoogar kaafir jaisa hai aur kaafir ka thikaana jahannum hai. (Khutba 77 Nehjul Balagha)

Hazrat Ali AS ne farmaya: Mein iss daar e dunya ki haalaat kya bayaan karoo’n jiss ki ibtedaa gham aur intehaa fana ho. Jiss k halaal men hisaab aur haraam men azaab ho. Yahaan koi maal daar ho to fitnon se waasta aur faqeer ho to gham se saabqa rahta hai. Jo dunya k liay koshish men laga rahta hai uss ki dunyaawi aarzooen barhti hi jaati hen aur jo inn koshishon se haath utha laita hai, dunya khud hi uss se saazgaar ho jaati hai (Khutba 80 Nehjul Balagha) 

Short Sayings of Hazrat Ali a.s

Sayings of Imam Ali a.s in URdu

Hazrat Ali AS ne farmaya: Jo shaks dunya ki ibrato’n ko aaena samajh kar daikhta hai to wo uss ki aankhon ko roshan aur beena kar daiti hai aur jo sirf dunya hi par nazar rakhta hai to wo uss ko naabeena bana daiti hai (Khutba 80 Nehjul Balagha)

Hazrat Ali AS ne farmaya: Fitna o Fasaad men iss tarah raho jiss tarah oont ka wo bacha jiss ne abhi umar k 2 saal khatam kiay ho’n k na to us ski peeth par sawaari ki jaa sakti hai aur na iss k thano’n se doodh doha jaa sakta hai (Hikmat No 1 Nehjul Balagha)


Hazrat Ali AS ne farmaya: Jiss ne laalach ko apnaaya, uss ne apnay ko sharamsaar kiya, jiss ne apni paraishaan haali ka izhaar kiya, wo zillat par aamaada ho gaya aur jiss ne apni zabaan ko qaaboo men na rakha, uss ne khud apni be wuq’ati ka saamaan kar liya (Hikmat No 2 Nehjul Balagha)

Hazrat Ali AS ne farmaya: Kanjoosi baaes e sharam hai aur buzdilli nuqs o aeb hai (Hikmat No 3 Nehjul Balagha)


Hazrat Ali AS ne farmaya: Ghurbat, aqalmand aur daana mard ki zabaan ko dalaail ki quwwat dikhaanay se rok daiti hai. (Hikmat No 3 Nehjul Balagha)

Hazrat Ali AS ne farmaya: Muflis apnay shehar me’n rah kar bhi ghareeb ul watan hota hai (Hikmat No 3 Nehjul Balagha)

Hazrat Ali AS ne farmaya: Aqalmand ka seena, uss k raazo’n ka makhzan (jahaa’n khazaana rakha jaaey) hota hai (Hikmat No 5 Nehjul Balagha)


Hazrat Ali AS ne farmaya: Jo shaks apnay aap ko buhat pasand karta hai, wo doosro’n ko naa pasand ho jaata hai (Hikmat No 6 Nehjul Balagha)


Hazrat Ali AS ne farmaya: Sadqa kaamyaab dawaa hai (Hikmat No 6 Nehjul Balagha)

Saying of Hazrat Ali

Extracts of Nehjul Belagha

Hazrat Ali AS ne farmaya: Mein ne uss waqt apnay faraiz saranjaam diay jab k aur sab is raah men qadam barhaanay ki jurrat na rakhtay thay aur uss waqt sar utha kar saamnay aaya jab k doosray gosho’n men chupay huay thay aur uss waqt zaban kholi jab k doosray goongay nazar aatay thay aur uss waqt noor e Khuda ki roshni men aagay barha jab k doosray zameen geer ho chukay thay k meri awaaz in sab se dheemi thi magar sabqat o paish qadmi men, mein sab se aagay tha(Khutba 37 Nehjul Balagha)

Hazrat Ali AS ne farmaya: daba hua (kamzor) meri nazron men taqatwar hai jab tak mein uss ka haq na dilwaa doon aur taaqatwar meri nazar mein kamzor hai jab tak mein Uss se doosray ka huq na dilwa doon (Khutba 37 Nehjul Balagha)

Hazrat Ali AS ne farmaya: Jo dostaan e Khuda hotay hen, unn k liay shub’haat men yaqeen, ujaalay ka aur hidyat ki taraf rahnuma ka kaam daita hai aur jo dushmanaan e Khuda hen wo inn shub’haat men gumraahi ki daawat o tableegh kartay hen (Khutba 38 Nehjul Balagha)

Hazrat Ali AS ne farmaya: hamara zamana aisa hai jiss men aksar logon ne gha’daari aur faraib ko aql o faham samajh liya hai aur jaahilon ne inn ki (chaalon) ko husn e tadbeer se mansoob kar diya hai (Khutba 40 Nehjul Balagha)

Hazrat Ali AS ne farmaya: Aey Logo Mujhay tumharay baaray men sab se zyaada do baaton ka dar hai. Aik khwaahishon ki pairvi aur doosray umeedon ka phailaao(Khutba 42 Nehjul Balagha)

Hazrat Ali AS ne farmaya: Khwaahishon ki pairvi wo cheez hai hai jo haq se rok daiti hai aur umeedon ka phailaao aakhirat ko bhula daita hai (Khutba 42 Nehjul Balagha)

Hazrat Ali AS ne farmaya: dunya aur aakhirat waalay, donon khaas aadmi hotay hen to tum farzanad e aakhirat bano aur dunya k baitay na bano is liay k har baita roz e qayamat apni maan se munsalik hoga. Aaj amal ka din hai aur hisaab nahi hai aur kal hisaab ka din hoga, amal na ho sakay ga(Khutba 42 Nehjul Balagha)

Hazrat Ali AS ne farmaya: (Mujh se pahlay) iss ummmat par aik aisa hukmaraan tha, jiss ne deen men bidda’tain phailaaee’n aur logon ko taanay dainay ka moqa diya. (pahlay to) logon ne ussay zabaani kaha suna, phir uss par bigr’ay aur aakhir saara saancha badal diya (Khutba 43 Nehjul Balagha)

Hazrat Ali AS ne farmaya: Dunya aik aisa ghar hai jiss k liay fana tay shuda amar hai aur iss men basnay waalon k liay yahan se har soorat nikalna hai. Ye dunya sheereen aur shaadaab hai. Apnay chaahnay waalon ki taraf taizi se barhti hai aur dekhnay waalay k dil men sama jaati hai. jo tumharay paas bahtar se bahtar (aakhirat k ) safar ka saamaan ho sakay ussay le kar dunya se chal dainay k liay tayyar ho jaao. Is dunya men apni zaroorat se zyada na chaaho aur jiss se zindagi basar ho sakay, iss se zyada ki khwaahish na karo (Khutba 45 Nehjul Balagha)

Hazrat Ali AS ne farmaya: aey Allah Mein safar ki mushaqqat aur waapsi k gham aur ahl o maal ki bad haali se panaah maangta hoon. Aey Allah Tu hi safar ka saathi aur baal bachon ka muhafiz hai. Aik hi waqt men safar ka saathi aur ghar ka muhafiz Teray ilaawa koi nahi ho sakta kyun k jissay peechay chora jaaey wo saathi nahi ho sakta aur jissay saath liya jaaey ussay peechay nahi chora ja sakta (Khutba 46 Nehjul Balagha)

Hazrat Ali AS ne farmaya: Tamam Hamd Uss Allah k liay hai jo chupi hui cheezon ki gahraai men utra hua hai. Is k zaahir aur ghaayib honay ki nishaaniyaan Iss k wajood ka pata daiti hen. Go dekhnay waali aankh se wo nazar nahi aata phir bhi na dekhnay waali aankh iss ka inkaar nahi kar sakti aur jiss ne Iss ka iqraar kiya iss ka dil iss ki haqeeqat ko nahi paa sakta (Khutba 49 Nehjul Balagha)

Hazrat Ali AS ne farmaya: Woh (Allah) itna buland o bar tar hai k koi cheez Iss se buland tar nahi ho sakti aur itna qareeb se qareeb tar hai koi shay iss se qareeb tar nahi hai aur na Uss ki bulandi ne Ussay makhlooq se door kar diya hai aur na Uss k qurb ne Ussay doosron ki sataah par laa kar unn k barabar kar dia hai. Uss ne aqlon ko unn ki aakhri hadon se aagaah nahi kiya aur zaroori miqdaar men maarifat haasil karnay k liay unn k aagay parday bhi haayil nahi kiay (Khutba 49 Nehjul Balagha)

Hazrat Ali AS ne farmaya: Wo (Allah) zaat aisi hai k Jiss k wajood k nishaanaat iss tarah iss ki gawaahi daitay hen k (zaban se) inkaar karnay waalay ka dil bhi iqraar kiay baghair nahi reh sakta. Allah unn logon ki baaton se buhat buland o bartar hai jo makhlooqaat se Uss ki tashbeeh daitay hen aur Uss k wajood ka inkaar kartay hen (Khutba 49 Nehjul Balagha)

Hazrat Ali AS ne farmaya: Fitnon k honay ka aaghaaz wo nafsaani khwaahishain hoti hen jin ki pairvi ki jaati hai aur wo naey ijaad kiay huay ahkaam jinn men Quran k ahkaam ki mukhalifat ki jaati hai aur jinhain farogh dainay k liay kuch loge deen e ILLAHI k khilaaf baaham aik doosray k madagaar ho jaatay hen. agar baatil, huq ki milaawat se khaali hota to wo dhoondnay waalon se chupa na rehta leken hota yeh hai k kuch idhar se lia jaata hai aur kuch udhar se aur donon ko aapas men ghalat malat kar dia jaata hai. Is moqay par shaitaan apnay doston par chaa jaata hai aur sirf wohi loge bachay rehtay hen jinn k liay tofeeq e ILLAHI aur inayat e Khudawandi pahlay se mojood ho (Khutba 50 Nehjul Balagha)

Hazrat Ali AS ne apnay shiyon se farmaya: Tumhara unn (dushmanaan e Ali AS) se dab jaana jeetay g moat hai aur ghalib aa kar marna bhi jeenay k barabar hai (Khutba 51 Nehjul Balagha)

Hazrat Ali AS ne farmaya: Khuda k bando iss dunya se jiss k rahnay waalon k liay zawaal laazmi hai, se nikalnay ka iraada karo. Kaheen aisa na ho k aarzooen tum par ghaalib aa jaaen aur is (chand roze ki zindagi) ki muddat ko lamba samajh baitho (Khutba 51 Nehjul Balagha)

Hazrat Ali AS ne farmaya: Agar tum dunya k khatam honay tak jeo, to bhi tumharay aamaal chaahay tum ne koi kasar na chori ho Uss (Khuda) ki naimaat e azeem ki bakshish aur imaan ki taraf rahnumaai ka badla nahi utaar saktay(Khutba 52 Nehjul Balagha)

Hazrat Ali AS ne farmaya: Khuda ki Qasam Mujhay zara barabar bhi parwaah nahi k Mein moat ki taraf barhoon ya moat meri taraf barhay (Khutba 55 Nehjul Balagha)

Hazrat Ali AS ne farmaya: Mujh se (dil se) baizaari ikhtiyaar na karna k Mein deen e fitrat par paida hua hoon aur imaan o hijrat men pahla hoon (Khutba 57 Nehjul Balagha) www.yaali.co.cc [All In One Shia Site]
Hazrat Ali AS ko jab moat se daraya gaya to unhon ne farmaya: Mujh par Allah ki aik muhkam dhaal hai. Jab moat ka din aaey ga to Wo mujhay moat k hawaalay kar k mujh se alag ho jaaey ga. Uss waqt na teer ghalti karay ga aur na zakham bhar sakay ga (Khutba 60 Nehjul Balagha)

Hazrat Ali AS ne farmaya: Dunya aik aisa ghar hai jiss (ki buraaiyon) se bachaao issi men rah kar kiya ja sakta hai aur kissi aisay kaam se jo sirf dunya ki khaatir kiya jaaey nijaat nahi mil sakti. Logon ne iss dunya se jo dunya k liay haasil kiya hoga, uss se alag kar diay jaaen gay aur uss par unn se hisaab lia jaaey ga. Aur jo iss dunya se aakhirat k liay kamaya hoga ussay aagay puhanch kar paa lain gay aur ussi men rahain gay (Khutba 61 Nehjul Balagha)
Hazrat Ali AS ne farmaya: Dunya Aqal mandon k nazdeek aik barhta hua saaya hai jissay (wo) abhi barha hua aur phaila hua dekh rahay thay k dekhtay hi dekhtay wo ghut kar simat kar rah gaya (Khutba 61 Nehjul Balagha)

Hazrat Ali AS ne farmaya: Allah k bando, Allah se daro aur moat se pahlay apnay aamaal ka zakheera faraham kar lo aur dunya ki khatam honay waali cheezain de kar (aakhirat ki) baaqi rah jaanay waali cheezain khareed lo. Chalnay ka saamaan karo kyun k tumhain taizi se le jaaya ja raha hai aur moat k liay tayyar ho jaao k wo tumharay saron par mandla rahi hai.(Khutba 62 Nehjul Balagha)

Hazrat Ali AS ne farmaya: Allah ne tumhain baikaar paida nahi kiya aur na tumhain bilkul hi aazaad chor diya. Moat tumharay raasatay men haayal hai aur uss k aatay hi tumharay liay jannat hai ya dozakh hai. Wo zindagi ka waqt jissay har guzarnay waala lamha kam kar raha ho aur uss ki imaarat gir rahi ho, kam hi samjhay jaanay k laaiq hai aur wo musaafir jissy har naya din aur har nai raat khainch rahay hon, uss ka manzil tak puhanchna jald hi samjhna chaahiyay.aur wo musafir jiss k saamnay hamaisha hamaisha ki kaamyaabi ya naakaami ka sawaal ho, ussay achay se acha hi safar ka samaan karna chaahiye (Khutba 62 Nehjul Balagha)

Hazrat Ali AS ne farmaya: Iss dunya men rahtay huay, iss se itna aakhirat ka saamaan le lo jis k zariyay kal apnay nafson ko bacha sako. Iss ka tareeka ye hai k banda apnay Allah se daray, apnay nafs k saath khair khwaahi karay, tauba karay, apni khwaahishon par qaaboo rakhay kyun k moat iss ki nigaahon se ojhal hai aur umeedain faraib dainay waali hen aur shaitaan uss par chaaya hua hai jo gunaahon ko saja kar uss k saamnay le aata hai (Khutba 62 Nehjul Balagha)

Khutbaat e Nehjul Balagha

Hazrat Ali AS ne farmaya: Wo Hamaray paas mojud tha balkay hamaray is lashkar men wo ashkhaas bhi mojud thay jo abhi mardon ki salb aur auraton k shikam men hen. Anqareeb zamana inhen zaahir karey ga aur in se imaan ko taqweet puhanchay gi (Khutba no 12 Nehjul Balagha)


Hazrat Ali AS ne farmaya: Aik haq hota hai aur aik baatil aur kuch haq waalay hotay hen kuch baatil waalay. Ab agar baatil zyaada ho gaya to y pehlay bhi buhat hota raha hai aur agar haq kam ho gaya to buhat dafa aisa hua hai aur buhat mumkin hai k wo is k baad baatil par chaa jaey. Agarcha aisa kam hi hota hai k koi cheez peechay hat kar aagey barhay(Khutba No 16 Nehjul Balagha)


Hazrat Ali AS ne farmaya: Jis k paish e nazar dozakh o jannat ho is ki nazar kisi aur taraf nahi uth sakti. Jo taiz qadam dornay waala hai wo nijaat yaafta hai. Jo talabgaar ho magar sust raftaar usay bhi tawaqo ho sakti hai magar jo (jaan boojh k) kotaahi karnay waala ho usay to dozakh hi men girna hai. Daaen baaen gumraahi ki raahen hen aur darmiyaani raasta hi siraat e mustaqeem hai. Is raastey par Allah ki hamesha rehnay waali kitab aur Nabuwwat k aasaar hen. Issi se shariyat ka nifaaz o ijraa hua aur isi ki taraf aakhir e kaar baaz gasht hai. (Khutba no 16 Nehjul Balagha)


Hazrat Ali AS ne farmaya: Jo haq k muqablay men khara hota hai wo tabaah ho jaata hai aur insaan ki jahaalat is se barh kar kya hogi k wo apni qadr o manzilat ko na pehchaanay. Wo asal o asaas jo taqwa par ho barbaad nahi hoti aur us k hotay huay kisi qoam ki kisht (amal) be aab o khushk nahi rehti. (Khutba n0 16 Nehjul Balagha)

Saying of Mola Ali a.s

1. Mola Ali (AS) ne farmaya : :Jo duniya chahta hai usay maut dhunti hai taake usay duniya se nikaal bahar kare. Aur jo aakherat chahta hai usay duniya dhundti hai taake uski rozi oos tak pahu’ncha de.Source : Tajalliyate Hikmat (Duniya)

2.  Mola Ali (AS) ne farmaya : Char cheez Jannat ki taraf bulati hai: Musibat ko chhupana, chhupakar sadqa dena, waledain se neki, aur bahut zyada ‘La elaha Illallah’ kehna.Source : Tajalliyate Hikmat

3. Mola Ali (AS) ne farmaya : Jo koi raat ko sone se pehle 3 baar Sure Ikhlaas (Qulho Wallaho Ahad) padhe, to Allah 50000 farishte bhejega jo us raat uski hifaazat karege.Source : Uddatud Dai

4.  Mola Ali (AS) ne farmaya : Logon ke darmiyan aise raho ke agar aap mar jaate ho to wo aap par roye aur agar aap zinda ho to wo aap ke saath ke liye tarse.Source : Nahjul Balagah (Saying 9)

5. Mola Ali (AS) ne farmaya : Sab se bada aib ye hai k tum un baton ko doosro’n k liye aib qaraar do jo tum mein khud maujood ho.Source : Tajalliyate Hikmat (Aib-1)

6. H. Ali (AS)Neend kitni buri cheez hai jo qaleel (Chhoti) umr ko kam kar deti hai aur kaseer (zyada) ajr o sawab ko khatm kar deti hai.Source : Tajalliyate Hikmat (Neend)

7.  Mola Ali (AS) ne farmaya : Jisne tabeeb (doctor) se apni bimari chhupayi, usne apne jism ke saath khayant ki. Source : Tajalliyate Hikmat (Bimari)

8.  Mola Ali (AS) ne farmaya :Agar namaz padhnewale ko ilm ho jaye ke kaisi rehmato’n ne usay gher rakkha hai to wo kabhi sajde se sar na uthaye.Source : Tajalliyate Hikmat (Namaz)

9.  Mola Ali (AS) ne farmaya : Tumhare nafso’n ki JANNAT ke siwa koi aur qeemat nahi, lihaza is ko Jannat ke alawa kisi aur cheez ke badle me (hargiz) na becho.Source : Tajalliyate Hikmat (Jannat)

10.  Mola Ali (AS) ne farmaya : (ILAHI) mai ne teri ibadat na tere Jahannum ke khauf se ki hai aur na teri Jannat ki laalach me, balke maine tujhe ibadat ke layak paya is liye teri ibadaat ki.Source : Tajalliyate Hikmat (Ibadat)

11.  Mola Ali (AS) ne farmaya : Bad’tareen takabbur / ghamand insaan ka apne rishtedaro’n aur apne hi jaise logo’n se takabbur karna.Source : Tajalliyate Hikmat (Taqabbur)

12.  Mola Ali (AS) ne farmaya : Jo shakhs ek maaldar aadmi ke paas agar sirf uski daulat ki wajah se jaata hai aur uski izzat karta hai, to who apna do-tihaai (two-third) mazhab kho deta hai.Source : Islamic Morals (13-Greed & its harms)

13.  Mola Ali (AS) ne farmaya : Ai logo’n! Jab kabhi tum kuch sikho to us par amal karo, taaki tumhe hidaayat haasil ho.Source : Islamic Morals (2- Rebuke for those..)

14.  Mola Ali (AS) ne farmaya : Jo duniya ki khidmat karta hai duniya usay apna khadim bana leti hai & jo Allah Ta’la ki khidmat karta hai, duniya uski khadim ho jati hai.Source : Tajalliyate Hikmat (Duniya)

15.  Mola Ali (AS) ne farmaya : Moazzin ki (azaan ki) awaaz par (namaz ke liye) daud padne se rozi badhti hai. Source : Tanzeemul Makatib (Dec-04)

16. Mola Ali (AS) ne farmaya: Kisi k gunaah beparda karne me jaldi na karo kyu k wo maaf ho sakte hai, & apne 1 chhote gunaah se bhi khud ko mehfuz na samjo kyu k tumhe iski sazaa ho sakti hai.Source : Tajalliyate Hikmat (Gunaah)

17.  Mola Ali (AS) ne farmaya : Jab Allah kisi bande ko zaleel karna chaahta hai to ilm ka darwaza uske liye band kar deta hai.Source : Tajalliyate Hikmat (Ilm)

18.  Mola Ali (AS) ne farmaya : Haq se badhkar taarif karna CHAAPLUSI hai; aur haq se kam taarif karna ya to bolne ki kamzori hai ya phir HASAD (jealousy) hai.Source : Tajalliyate Hikmat (Taarif)

19.  Mola Ali (AS) ne farmaya : Tumhare 3 dost hai & 3 dushman. Tumhare dost matlab tumhara dost, dost ka dost, dushman ka dushman. Tumhare dushman matlab tumhara dushman, dost ka dushman, dushman ka dost.Source : Tajalliyate Hikmat (Dost)

20. Mola Ali (AS) ne farmaya : Aalim jaahil ko samajh sakta hai kyun k wo pehle kabhi jaahil tha. Jaahil aalim ko nahi samajh sakta kyun k wo pehle kabhi aalim na tha.Source : Tajalliyate Hikmat (Ilm)

21.  Mola Ali (AS) ne farmaya : FITNO’N aur BIDA’TO’N ki alaamatei’n (nishani) NA BANO balke ehle jamaat ne jo kuchh tai kiya hai OOSI KE paaband raho.Source : Tajalliyate Hikmat (Giroh, Jamaat Pg 107)

22.  Mola Ali (AS) ne farmaya : Sabse badtareen dost wo hai jiske liye rasmo-riwaj (formality) nibhani padti hai.Source : Nahjul Balagah H. Ali (AS) Bila shubah, aaj amal hai hisaab nahi aur kal hisab hoga amal nahi.Source : Tajalliyate Hikmat (Amal)

23.  Mola Ali (AS) ne farmaya : Amal bagair kisi riyaakari ya dikhawe ke anjaam do, kyunki jo Allah ke ilawa kisi aur ke liye amal karta hai, to Allah usay oosi ke sahare chhod deta hai.Source : Tajalliyate Hikmat (Riyaakari) 

24.  Mola Ali (AS) ne farmaya : Jiski tamannaei’n zyada hogi, uska amal kharab ho jaayega.Source : Tajalliyate Hikmat (Chapter 22)

25.  Mola Ali (AS) ne farmaya :Jis se tum ne apni haajat bayaan kar di, uske saamne tum be-izzat ho gaye. Source : Tajalliyate Hikmat (Chapter 53)

26.Mola Ali (AS) ne farmaya:Aye gunah par gunah kiye jaane wale! Tera baap (Janabe Adam) sirf ek gunah ki wajah se jannat se nikal diya gaya tha. Source : Tajalliyate Hikmat (Chapter 88)

27. Mola Ali (AS) ne farmaya: Usay apna koi raaz na batao jiska koi raaz tumhare paas na ho.Source : Tajalliyate Hikmat (Chapter 104)

28. Mola Ali (AS) ne farmaya: Aey Logo mughy tumhary bary main sabse ziada 2 baton ka dar hy. Ek Khwahishon ki pervi aur doosrey ummeedon ka phailao. Khowaheshon ki pervi vo chez hai jo haq se rok deti hai Aur ummeedon ka phelao aakhrat ko bhula deta hai. Nehjlblaga p#175

29. Mola Ali (AS) ne farmaya : Sabse badaa gunaah wo hai jiska karnewala oose chhota samjhe.Source : Greater Sins III

30.Mola Ali (AS) ne farmaya:Jiska raabita khuda ke saath ho wo naakaam nahi hota,Naakaam wo hota hai Jiski umeedein duniya se waabasta hon